موضوعنا الاسبوع ده عن الرجل العصبي وكيفية التعامل معه بعض الأبحاث والدراسات النفسيّة أثبتت أن المرأة الذكيّة هي التي تختار الشريك العصبي المزاجي على الرجل الهادئ المرح .

وذلك أن الرجل الهادئ المرح . . رجل غامض . . يستطيع أن يحسب خطوته ويعرف متى يغضب ومتى يقدم تنازلات للمرأة . . وهو أكثر عناداً من المزاجيّ العصبي !

بعكس العصبي المزاجي .. هو يشعر في قرارة نفسه أنه بعصبيّـته ومزاجيّته يفرض شخصيّته على المرأة .. وهو في الحقيقة إنما يكشف لها عن شخصيته وعن مفاتيح شخصيته ونقاط ضعفه والمرأة الذكيّة هي التي تعرف كيف تتعامل مع هذه المفاتيح . .

دراسات في علم النفس تؤكّد أن الرجل ( العصبي ) طيب القلب . . سريع الرضا . . اجتماعي غير انطوائي
طبعا ده كلة كلام ابحاث ملنااااااااااااااااااااش اي ثلاثين دعوة بيه مين فينا مبتبقاش عايزة جوزها او حبيبها هادي ونادي كدا وطبعه سهل و الواحده تعرف تتفاهم معاه وتقنعه وتاخد وتدي معاه متبقاش خايفه من رد فعله لما تتأخر في عمل الاكل ولا لما تعقد تلبس ساعتين علشان تنزل تخرج وهو جاي تعبان وقرفان من الي بيشوفه ههههههههه اه ده احنا علينا عمايل تودي اللومان .

علشان كدا لازم تفهمي حاجه الراجل بيشوف كثير جدا من مشاكل واعباء طول اليوم وكفاية ضغط الحياة عليه وان مهما كنتي مهمومه او عندك مشاكل هو مطلوب منه الاكل والشرب والهوا الي بتتنفسيه يكون كويس ونظيف فلازم الست تكون دايما الطرف الهادي والي بيقدر يستوعب كل الي هو بيشوفه علشان تحقق النجاح في العلاقة دي فعصبيه الراجل درجات في الي بيتعصب ع الفاضي والمليان وده اصعبهم لانه احيانا بيوصل انه بيحلف بالطلاق او بيهدد بانهاء العلاقه وفيه الي بيتعصب من ضغوط الحياة وده غالبا بيكون عايز الي قدامه تكون "قاريه عنيه وتفهمه منغير ما يتكلم" وفيه الي بيسكت يسكت وينفجر مره واحده وده بيكون يوم اسود طبعا في جميع الاحوال الست الذكية هي الي تقدر تعرف تتعامل مع جوزها من اول يوم عرفوا بعض ففيها فاول نصيحه ليكي :-

1- حاولي تتعرفي علي عصبية زوجك من ايام الخطوبة علشان تقدري تقرري هل هتعرفي تتعاملي معاه وتفهميه ولا صعب ومن اهم الدلائل علي العصبية رد الفعل العنيف و التوتر الدائما وبيكون مستعجل علي طول .

2- من اول يوم تحسي انه بيهدد بانهاء اي علاقه بينك وبينه لأي سبب يعني لو بتحبوا بعض بيقولك نسيب بعض احسن تسبيه علي طوووووووووووووول لان النوع ده عمرك ما هتحسي معاه بالامان .

3- حاولي دايما انك تستوعبي طبيعة الضغوط الي بيتعرض ليها زوجك طول اليوم وان الضغوط دي انتي متقدريش تتعاملي معاها علشان كدا خلي اعصابك (استريتش) يعني اتعودي انك تستحمليه وتحتويه بالعكس الزوجه الذكية هي الي تعرف تسيطر علي اعصابها علشان تحول المشكلة لتهريج وتقلب الجوووو .

4- لما تكوني عارفه انك هتتكلمي في حاجه احتمال تعمل مشكلة او تضايقه انك تقولي مقدمه حلوة وفيها شويه اخبار كويسه يعني زي مثلا لما تكون مامتك جايه البيت تزوركم وهو بيتخنق من مامتك مثلا مثلا يعني تقوليله " حبيبي انت بتحب السمك المشوي ماما جايه تزورنا وجيبالنا سمك مشويه " .

5- اختاري الوقت المناسب الي تتكلمي فيه وتفتحي مواضيع مهمه عايزه رأيه فيها يعني مش يكون راجع من الشغل وتعبان وراجع يعقد كام ساعه يهدي اعصابه فيهم وتفتحي موضوع يرهقه ذهنيا وعصبيا وتبقي عايزه منه نتيجه طبعا ده استحاله وبيوصل الي نهايه معروفه هي خناقه طبعا .

6- أكثر حاجه ممكن توصل لمشكله كبير اذا روحتي حكيتي لاهلك عن اي مشكله بينك وبين زوجك دي بتكون مصيبه للزوج العصبي ولاي زوج بشكل عام وبتوصل للعناد وبالتالي نتيجة عكسية لكل الي انتي عايزاه .

7- احيانا بيكون في بعض الكلمات الي بتعصب الراجل اكثر زي اهدأ الموضوع مش مستاهل كل ده وكلام كتير بتعرفيه من كثر التعامل والعشرة طبعا ياريت تحاولي تتجنبيه خالص علشان متولعيش الدنيا اكثر .

8- تجني توجيه اي نصائح او توجيهات او الكلام بصيغة الامر المباشر ليه لان ده اسلوب بينرفز اي بني ادم طبيعي اصلا فما بالك الانسان العصبي بطبعه.

9- بلاش تحاولي تعتذري بسبب ومنغير سبب علي لاي كلام لان ده بيحسسه انك بتصغري الامور ومش بتحترمي كلامه .

10 - اسلوب الرد علي كل حاجه وكل كلمه ياريت تنسيه خاصة لما يكون الزوج متعصب ياريت تحاول تسكتي خالص لحد لما يهدا علشان الرد بيعصب الراجل اكثر .

11 - لو لقيتيه خلاص اتعصب وخرج عن السيطرة فحاوي تحسسيه بخوفك عليه وتتعودوا توقفوا الحوار لحد لما تهدوا ويديكي قراره .

ولك سيدي

زوجتك كل ماتريده هو نقاش هادئ وجميل ولا تريد فرض رأيها عليك فأحرص كل الحرص علي العوده الي منزلك متشوق لها وقابلها بلهفة وشوق وتذكر دائما انها حبيبتك الوحيده وان بيتك هي المكان الذي تشعر فيه بالامن والاستقرار فمها حدث بينكم حاول تفادي الصوت العالي و استخدام الالفاظ الخارجه بينك وبين زوجتك واحرص علي استيعاب زوجتك وعلي استماع لها ولو شعرت انك لا تستطيع التحدث في موضوع فتحته هي استخدم معها اسلوب لبق لتغير ميعاد النقاش او وضح لها انك لا تستيع النقاش الان وانك في احتياج اليها كحبيبه خاصة بعد يوم عمل طويل وشاق .

وفي الاخر هدوءك وتحكمك في انفعلاتك وتصرفاتك واختيارك الوقت المناسب هو الي بيخلي اي كلام يتحول الي نقاش عادي وهادي او الي شجار ومشكلة زوجية ممكن تنتهي بانهاء العلاقة الزوجية .

بقلم " هاجر عيسى "