الزفاف.كوم اول واكبر موقع مصرى يساعد كل عروسين على تحضير الفرح المثالى. كل ماتحتاجيه من نصائح حول الزفاف، موضة افراح 2014، مقدمى خدمات الافراح فى القاهرة والاسكندرية من كوافير، ماكياج، محلات فساتين ومجوهرات. ايضا قاعات الافراح وشركات السياحة لنساعدك على قضاء اجمل شهر عسل.
عروسة ومحتاسة - 1
هاااااااااااااااااى يا بنات.. ازيكوا؟ عاملين اية ؟ أنا فرحى قرب خلاص و بما انى بشتغل هنا فى الزفاف.كوم قلت ان دى هتبقى فرصة أشاركوا حوستى!! طبعا زى ما عنوان المقال بيقول ، أنا بجد محتاسة أوى. مرة واحدة حددنا معاد الفرح و لقيت نفسى ورايا مليون حاجة تتجهز و أنا مش من النوع اللى ممكن اعتمد على حد يخلصلى حاجاتى. أنا لازم انقى كل حاجة براحتى و على مزاجى . هى تناكة أه أنا عارفة و طبعا حاجات الفرح بالهبل فهيطلع عينى انشاءالله ههههههههه. بس يعنى هو الواحد بيتجوز كام مرة. لازم كل حاجة تبقى تحفة.
طبعا بما انى موجودة هنا فى الزفاف.كوم ساعدنى كتير. على الاقل عندى البيانات بتاعة كل الناس و بدخل اتفرج على شغلهم و أنقى سواء كان الكوافير و لا الميكاب او الستوديو. كل حاجة بقت أونلاين ؛) . طبعا حماتى مش عاجبها الكلام دة، عايزة تنزل و تلف و تدور!! بس مين عنده وقت للكلام دة دلوقتى. أدينى مقعداها جنبى على الموقع 24 ساعة عشان تتفرج.
المهم بقى أنا قررت اكتب هنا كل يوم أحد مغامرات الاسبوع لحد يوم فرحى. أدينا نعرف من بعض المفروض نعمل ايه و أشاركوا اللى هكتشفه LOL . و أى واحدة عندها سؤال أو محتاسة فى حاجة تبعتلى على طول و انا كل اسبوع هرد على أسئلتكوا. أستنونى بقى كل أسبوع مع أول مغامراتى فى تحضير فرحى.
