الزفاف.كوم اول واكبر موقع مصرى يساعد كل عروسين على تحضير الفرح المثالى. كل ماتحتاجيه من نصائح حول الزفاف، موضة افراح 2014، مقدمى خدمات الافراح فى القاهرة والاسكندرية من كوافير، ماكياج، محلات فساتين ومجوهرات. ايضا قاعات الافراح وشركات السياحة لنساعدك على قضاء اجمل شهر عسل.
عروسة ومحتاسة - 4
عاملين اييييييييه؟؟ مش قولتلكوا هنتخن؟ انا زدت 2 كيلو الاسبوع اللى فات :,( المشكلة انى عايزة ابدأ انزل أقيس فساتين و أنا مش ناوية اتجوز بالمقاس دة بصراحة. أنا عايزة أخس و بسرعةةةةةةةةةةةةة!!! أنا عارفة انه غلط و ان جسمى مش هيثبت بس أنا فعلا ماعنديش وقت أخس على 100 سنة. أنا عايزة أنجز. مش عايزة فى الفرح أنا اللى أشيل العريس فى الاخر يعنى، ايه الفضايح دى. زى فى فيلم shallow hal بتاع Jack Black هههههههههه.
روحت فعلا لسنتر دايت و قابلت دكتور رفع من معنوياتى الصراحة. قاللى ان انا اقل وزن جاله، فرحت أوى بنفسى. بس طبعا قاللى موضوع انى عايزة أخس بسرعة دة اللى هيبقى مشكلة. ادانى دايت أنا شايفة ان مافيهوش أكل لكن هو مقتنع انه مناسب جدا فأنا سعيييييييييدة. ستايل الفطار تفاحة و الغدا خضار سوتيه و ربع فرخة مشوية. مش ادائى خالصصصصصصصص. أنا مشكلتى انى فعلا بحب كل أنواع الأكل و مامتى ربنا يخليها أكلها تحفة بجدددددددد. يعنى حتى بعد ما تشبعى ما تقوميش من على الأكل. حاجة صعبة أوى. أدينى هحاول و أشوف ايه النتيجة.
الجديد بقى فى الموضوع انه قاللى لو عايزة أخسس مناطق معينة ( و أنا طبعا عايزة LOL) فية كذا حاجة ممكن تتعمل.
أولا : الميزوثيرابى: طبعا كلنا سمعنا عنها كلام بالهبل، أنا ماكنتش مرتاحة للموضوع بالذات انى كنت سامعة ان المكونات اللى بتتحقن بتيجى من امريكا الجنوبية عشان تبقى أرخص و ان محدش يعرف فيها ايه بالضبط. فطبعا سألته بس هو طمنى و فرجنى العلب. زى علب الحقن بالضبط و مكتوب عليها L-carnitine دة مكون بيطلع طبيعى فى الجسم و بيساعج على حرق الدهون.
ثانيا: RF (radio frequency): دة جهاز بيسبب سخونية بيعديه على المناطق اللى عايزين نخسسها ،يفتت فيها الدهون و يذوبها و بيشد الترهلات. دة بيستخدم أكتر مع الدهون المستعصية، زى اللى بعد الولادة و كدة.
ثالثا: UV cavitation: دة جهاز زى اللى قبليه بالضبط بس بيضغط على الأماكن اللى عايزة تخس و مابيسببش أى سخونة أو حاجة. هى الذبذبات بتوصل للخلايا الدهنية فى المنطقة و بتتفتتها. بيتعمل 6-8 جلسات.
أنا لسة ما قررتش هاعما انهى بس داخل دماغى الcavitation دة. علشان ما فيهوش وجع و لا سخونية ولا ابر و لا حاجة. و كمان FDA approved، دة زى السونار اللى بيعملوه الحوامل بس على سرعة مختلفة. هجربه و أقولكوا ايه الأخبار. و لو عندكوا أى سؤال ابعتولى و أنا هرد عليكوا المرة الجاية :)
