مقالنا النهارده علي غرار ابلة فاهيتا وحسن الشافعي هتقولوا لمين مايستهلوشي :-

1- لو اتقدملك واحد بخيل ومن اول لما دخل بيتكم بيفاصل في الشبكة والقايمة والمهر ده تقوليله علي طول مايستهلوشي .

2- لو اتقدملك واحد ولقتيه حبيب ماما وكل كلمه يسأل عليها ماما ويقول رأي ماما تقولي مايستهلوشي .

3- لو اتقدمت لواحده ولقيتها عماله تتكلم في شبكة زي بنت عمتها او بنت خالتها دي تبقي بتهتم بالناس وعمرها ما هتراعي ظروفك تقولها علي طووول مايستهلوشي .

4- لو اتقدمت لواحده ولقيتها عماله تجيبك من فوق لتحت وتسألك عن ماركات هدومك وبتعلق علي
اهيف حاجه دي تبقي بتهتم بالمظهر فيط ودماغها فاضيه علي طول تقولها مايستهلوشي .

5- لو اتقدملك واحد ولقتيه بيكذب كذبه في التانية في الثالثة اوعي تكبري دماغك لانك بعد فتره
هتتصدمي انك عايشه في كدبه كبيرة قولي من الاول علي طوول قولي مايستهلوشي .

6- لو اتقدمت لواحده ولقيتها عماله تظبط في خروجات وفسح وفسح وفسح ومش مهم عندها ان انتوا تعقدوا مع بعض وتتكلموا دي عمرك ما هتعرف تتعرف عليها صح وهتكتشف مصايب بعد الجواز علي طوول تقول مايستهلوشي .

7- لو اتقدمت لواحده او اتقدملك واحد واكتشفتم انه مش بيصلي او مش بتصلي علي طوووول تقولوا مايستهلوشي .

8- لو اتقدمت لواحده ولقيتها بتحكي كل حاجه لمامتها واخواتها ابعد عنها علي طوول لان بعد الجواز هتفضحك ومش هتعرف تحافظ علي سر بيتها قول علي طول مايستهلوشي .

9- لو اتقدملك واحد وحتي قعد قبل ما يتطمن انك قعدتي او نسي عيد ميلادك او تجاهلك او اهملك
اعرفي ان بعد الجواز هيكرر نفس الموقف بس اضربيه علي طول في ميه فقوليله علي طول ما يستهلوشي .

10- لو اتقدملك واحد او اتقدمت لواحده ومعرفتيش/معرفتش تشوفوا عيوبكم قبل مميزاتكم
اعرفوا ان مراية الحب والجواز سرقاكم لان مفيش حد ملوش عيوووب ولازم تعرفوا العيوب
عشان تعرفوا تتعاملوا معاهم اما الي حلو علي طوول ده مجمل نفسه عشان الجواز
وبس قولوا علي طوول مايستهلوشي .

وفي الاخر الجواز مهم بس مش اهم حاجه في الحياة لازم تكونوا علي حيطة كبيره جدا وتركزوا في اختياركم لشريك الحياة حتي لاتقعوا فيما بعد في مشاكل الزواج التي يصعب معالجتها وحتي لا تجنوا علي ابنائكم بسوء اختياركم وعدم توخيكم كل الحظر قولوا ميستهلوشي في البدايه وتمهلوا لضمان حياة زوجية سعيده لاخر العمر .

بقلم " هاجر عيسى "