اخطاء كثيره بتقع فيها العروسه قبل زفافها ممكن تسبب مشاكل كثيره .

لو عملنا كل شيء في الوقت الصح هتغنينا عن المشاكل دي

*صبغه الشعر في نفس يوم الزفاف اولا نضيع الوقت و ايضا اذا لم يعجبك هيكون مشكله . نقوم بصبغه الشعر قبلها بــ 10 ايام اولا نتعود ثانيا نوفر وقت و ثالثا اذا لم يعجبك ممكن نغيره و حتي يوم الزفاف لو احتاجتي رتوش للصبغه ممكن نعملها في يوم الزفاف .

*حمام كريم يوم الزفاف ايضا تضيع للوقت و شعرك هيكون هابط جدا مش هيثبت فيه تسريحه كل العنايه للشعر تقف قبل الزفاف علي الاقل باسبوع

*تغيير الكوافير يوم الزفاف ده خطوه مش سليمه حتي لو احسن مصفف شعر في العالم لان مش متعود علي شعرك و لا يعرف شخصيتك لو عاوزه تغيري الكوافير علي الاقل اذهبي للكوافير الي تختاريه قبل الزفاف 2,3 اشهر حتي يتعود عليكي و علي شعرك حتي يستطيع ان يختار لكي احلي تسريحه .

*لو هتعملي كرياتين لشعرك اكيد مش نفس يوم الزفاف لان هياخد وقت طويل و ممكن رائحه الشعر تكون مش حلوه لازم علي الاقل قبلها باسبوع او 10 ايام و دائما الكرياتين بيتعمل بعد الصبغه

*لو عاوزه تغيري قصه شعرك مفضل مش في نفس اليوم لان اوقات حتي لوحلوه ممكن لا تعجبك مفضل قبلها باسبوع او 10 ايام حتي تتعودي و اذا مش عجباكي ممكن تغيري فيها

*اذا كنتي تعانين من مشاكل تساقط الشعر لازم تبدئي في علاج هذه المشكله من ساعه ما تظهر عليكي ليس قبل الزفاف بشهر او حتي اثنين اولا لان العلاج محتاج وقت طويل و اذا شعرك استمر يتساقط حتي فرحك هيحرمك من عمل اشياء كثيره نفسك فيها زي الصبغات تركيب شعر عمل كيراتين و كل الي نفسك فيه فلا تهملي علشان تعملي يوم فرحك الي نفسك فيه

*المكياج حاولي تريحين بشرتك علي قد ما تقدري و اكبر خطأ ان اعمل مكياج يوم الزفاف صباحا لاي سبب ما لانني سوف اضطر ازيله و اضع ثانيا ليلا وقت الزفاف

*بالنسبه لحجز المكياج حاولي تقومي بحجز المكياج من وقت ما تجددي فرحك امته حتي تقدري تعملي المكياج الي نفسك فيه و ايضا تاخذي الوقت يوم فرحك الي يريحك.

*تركيب الاظافر الاكريليك لازم نعمله قبل الزفاف علي الاقل 5 , 6 ايام علشان بتاخد وقت و ايضا علشان تتعودي عليهم

*فستان الزفاف اول شيء نفكر فيه و نبدأ فيه علاطول مفضل قبلها علي الاقل 4 اشهر اذا لم يكن اكثر علشان تعمليه براحتك تختاري المصمم المفضل لكي تختاري القماش بعنايه و الموديلات الي نفسك فيها و لايقه معاكي او حتي لو هتشتريه تاخدي وقتك بدون استعجال و تعرفي بعد ذلك تليقي عليه الحذاء و الطرحه و الورد و لكل اللوازم بتاعه الفستان اكبر خطأ ان نعمل كل ده باستعجال لان ده هيوترك .

*دائما لما تعملي بروفات الفستان لازم تكون بنفس الملابس الداخليه الي هتلبسيها يوم الزفاف حتي يتظبط الفستان عليكي بالظبط و ايضا اذا كنتي هتلبسي كورسيه تاخديه معاكي و لازم طول الكعب الي تلبسيه يوم الزفاف تعملي البروفه به لان من الاخطاء التي بنقع فيها هي عمل البروفه بدون الاشياء دي .

*الدايت لازم نبدء به من بدري جدا حتي لا نتعب و نكون مجهدين يوم الزفاف و الوجه شاحب

*أزاله الشعر من الجسم او الوجه بوسيله جديده قبل الزفاف 1, 2 يوم ده خطأ جدا لان ممكن يسبب حساسيه و احمرار و من ثم غمقان فاذا كنتي عاوزه تغيري الوسيله للازاله لازم تبدئي تجربي فيها 2, 3 اشهر حتي تضمني النتائج.

*أزاله الشعر بالوسيله السليمه لكي نفس يوم فرحك ده اولا هيضيع وقتك و ايضا ممكن تبقي الاماكن محمره فدائما نقوم بالازاله قبلها بيوم توفيرا للوقت و اضمن كمان

* المناطق الغامقه في الجسم لازم نبدأ في علاجها علي الاقل 4 اشهر لا ينفع ان اذهب للدكتور الجلدي قبلها باسابيع ا و شهر العلاج ده محتاج وقت و صبر و متابعه ووقايه

*الحمام المغربي لا تعمليه يوم الزفاف لانه تضييع وقت و ممكن يترك بعض الاحمرار في الجسم اخر مره نعمله قبلها1,2 ايام اكيد لازم نبدء بالحمام المغربي مره او مرتين في الشهرمن قبل الزفاف 3,4 اشهر او اكثر لو عاوزه

*أزاله الشعر بالليزر من الجسم لازم نبدأ به علي الاقل 6.7 اشهر اذا لم يكن اكثر حتي يكون خلصتي الكورس كله و تكون جاهزه يوم فرحك

*عمل تنظيف للبشره عميق اي نتواياج قبل الزفاف 2,3 ايام ده خطأ لان ممكن للبشره تحمر او تظهر بها حبوب بسيطه لانك طردتي كل الاشياء الغير نظيفه من بشرتك فلازم قبل الزفاف علي الاقل 10 ايام

* الحواجب لا تعمليها و انتي بتعملي مكياج قبل الزفاف بساعات افضل تعمليها يوم الزفاف صباحا حتي لو في احمرار يهدأ.

*لا تعملي اي ماسك او سنفره في يوم الزفاف مش مفضل خالص دائما قبل الزفاف بيوم و طبعا لازم يكون عندك روتين اسبوعي تعملي مسك و سنفره قبل الزفاف علي الاقل 6 اشهر و الافضل ان يكون ده روتين لكي بتعمليه علاطول في حياتك قبل و بعد الزفاف

* لو عاوزه تعملي تاتو الحواجب لا تعمليه قبل الزفاف 1 , 2 اسبوع مفضل نعمله قبلها بشهر او اكثر حتي يكون قشر و تعيدي عليه قبل وقت الزفاف و يكون شكله حلو .

*تركيب الرموش الصناعيه الدائمه نعملها 4, 5 ايام قبل الزفاف ليس في يوم الزفاف لانه بتاخد وقت ثانيا حتي تتعودي علي شكلك بها.

* مشاكل البشره من بقع و حبوب عدم توحيد لون البشره كل المشاكل البشره القويه لازم نبدا فيها من قبلها سنه او اكثر حتي يتم علاجها تماما و اكبر خطأ ان اعمل شيء زي تقشير ليزر قبل الزفاف بمده قليله لان ده ممكن يحدث اي التهابات محتاجه تاخد وقتها حتي تهدئي

الامر بسيط جدا لو كنتي منظمه و عندك وعي و عملتي كل شيء في وقته

من امينة شلباية