فتره الصيف غسيل الشعر و التعرض للشمس بيكون كثير جدا و ممكن يكون يوميا لو انتي في المصيف و اكيد غسيل الشعر و التعرض للشمس يوميا مش كويس لانه يجفف الشعر و تبدا تحدث المشاكل انا هقولكم بعض المعلومات للعنايه بالشعر في الصيف

1-نغير الشامبو بالشامبو الذي بداخله مرطبات اقوي علشان نعوض الغسيل اليومي للشعر الي ممكن يتسبب في الجفاف و من ثم تقصيف و هيشان

2-لازم نستخدم بلسم للذين لا يستخدموا البلسم علشان نعطي ترطيب اعلي و يساعد في تسليك الشعر اكثر خصوصا مع الغسيل اليومي تشابك الشعر بيكون اقوي و تسليكه بعنف هيؤدي الي تقطيع و تقصيف

3-لازم حمام كريم مره في الاسبوع علشان نعوضه بالغذاء السلم

4-لازم دهان بعد الغسيل علشان نعطي ترطيب جيد سواء في شكل سيريم او بلسم بيترك في الشعر

5-نحمي الشعر من الشمس بالواقي للشعر من الشمس و ده اسبراي بنضعه قبل التعرض للشمس

6-بلاش زيوت و نتعرض للشمس ممكن حروق للشعر

7-لو نزلتي البحر او ما تطلعي تشطفي الشعر من ماء البحر و نضع سبراي الواقي على طول

8-اول ما نروح البيت نغسل الشعر علاطول بلاش نقعد مده طويله بماء البحر و الملح علي الشعر

9-نحاول دائما و احنا في الشمس نلبس كاب

10-نحاول نلبس بونيه و احنا بنعوم نحمي الشعر شويه من ماء البحر

11-نحاول في الفتره دي نقلل عمايل الشعر

12-اكيد بلاش صبغات و فرد للشعر

13-لا نهمل في قص اطراف الشعر كل شهر و نصف لو قاعده 3 اشهر في المصيف

14-بلاش الموس او الجل لانه يؤذي الشعر استخدمي البلسم الذي يظل داخل الشعر هيعطي نفس النتيجه

نحاول نهتم بكل النصائح الي انا قولتها لكم علشان نحافظ علي شعرنا في هذه الفتره

من امينة شلباية