الزفاف.كوم اول واكبر موقع مصرى يساعد كل عروسين على تحضير الفرح المثالى. كل ماتحتاجيه من نصائح حول الزفاف، موضة افراح 2014، مقدمى خدمات الافراح فى القاهرة والاسكندرية من كوافير، ماكياج، محلات فساتين ومجوهرات. ايضا قاعات الافراح وشركات السياحة لنساعدك على قضاء اجمل شهر عسل.
عروسة ومحتاسة - 7
هااااااااااااااااى , انا متحمسة اوى انى اكلمكوا انهاردة فاكرين لما قلتلكوا انى هفكر هعمل ايه عشان اخس و هقوللكوا? انا قررت اعمل UV cavitation و اكتشفت انه بيتعمل معاه RF (فاكرين اللى قلتلكوا عليهم قبل كدة). المهم انا ابتديت الاسبوع اللى فات و تانى جلسة كانت امبارح و مش قادرة اقوللكوا انا مبسوطة ازاى. انا قست نفسى اصلا و طلعت اقل ب 3 سم!!!
هديكوا بقى التفاصيل, الجلسة بتبقى عبارة عن 20 دقيقة RF, و لازم يستخدموله كريم مخصوص و لازم يبقى معاكى فوطة صغيرة عشان تمسحيه بعدها. هتحسى بشوية سخونية بس مش بتحرق طول ما بيتحرك الذراع. بعد ما يخلص الوقت يبتدى 20 دقيقة UV cavitation, و دة برضه له جل مخصوص بيتحط قبله. مش هتحسى بحاجة خالص بقى غير زنة فى ودانك.
الجلسة بتبقى حوالى 40-45 دقيقة و بتتكرر ٥-٨ مرات. طبعا ممكن تزودى عن كدة لو لسة ماوصلتيش للنتيجة اللى انتى عايزاها. الفكرة انه مش بيخسس, لكن بيسيح الدهون من اماكن معينة. يعنى لو فى بطن او جناب يبقى مناسب جدا. دة اغلى شوية من الUV العادى, بس بالنتيجة دى يستاهل. كل الناس اللى حواليا اخدوا بالهم انى خسيت مع ان وزنى مانزلش.
فى حاجة مهمة تاخدى بالك منها, لازم تشربى مياه كتير يوم الجلسة و اليوم اللى وراه. بيساعد ان الدهون تخرج من الجسم. كمان ماتبدايش ابدا الجلسات لو لسة مش ماشية على رجيم. مالهوش معنى انك تحرقى الدهون من جسمك و تعوضيها فى الاكل.
يا رب يكون الموضوع يكون عجبكوا و ينفع معاكوا زيى كدة.
