عروسة ومحتاسة - 17

بناتييييييييت انا روحت درب البرابرة زي ما قولتولي علشان أجيب البونبونيرة بتاعة الفرح و لقيت حاجات كتيرة اوى و حلوة جدااااااااااااااا.
فيها كل اللي انتي عايزاة، يعني لو عايزة تعمليها كلها بـ 10 جنيه أو بـ 100 جنيه هتلاقى اللي انتي عايزاة. و هما متخصصين و عندهم كل الاذواق.
هتلاقى 100 شكل علبة و لون و خامة. و الزواق بتاعها عاملينه بكذا طريقة.
و عندهم البوم مخصوص للشرايط.
و فيه بقى أشكال كريستال بالهبل و كاسات و الصواني الفضة دي نازلة موضة اوى السنة دي.
المهم بقى انهم شاطرين اوى، يعني انا كنت بتفرج و عجبتني كذا حاجة بس كنت عايزة اغير فيهم شوية فشرحتله انا عايزة ايه .. طلع ورشة فوق المحل عمللي حاجة بالظبط زي ما انا عايزة.
غيرت فيها شوية كدة يعني ألوان الشرايط، نوع الشيكولاتة، شوية حاجات تافهة يعني و اتفقنا في ساعتها. دفعنا عربون و الاستلام بعد 4 أيام!!!!!! الموضوع كله مااخدش ساعة. ازاي بسرعة كدة اصلا، دول انقدوني.
انا صورتلكوا كام صورة كدة بسرعة علشان كنت مركزة في بتاعي بصراحة بس هحطلكوا صورتها عالفرح علشان ماتتحرقش ..
يا رب أكون ساعدتكوا و اشوفكوا الاسبوع الجاي.
















عروسة ومحتاسة - 16
عروسة ومحتاسة - 18