كثير منا بيكونوا محتارين ياتري بيحبني ولا مش بيحبني ؟ الحب الي حاسة بيه ده حب حقيقي ولا لا اليكِ بعض النقاط لتتأكدي ان حبه لكِ حقيقي :-
1- الحب هو انه يفتكر عيد ميلادك و اهم الايام الي بينكم منغير ما تفكرية .
2- الحب هو انه يهتم باقل التفاصيل الي تفرحك ويبعد عن اقل حاجه ممكن تزعلك
3- الحب هو انك تحسي انه بيفكر فيكِ علي طول في غيابك اكثر من وجودك .
4- الحب هو انك تلاقية محافظ عليكِ وكأنك حته منه .
5- الحب هو انه يكون دايما مكبرك مش بيصغرك قدام اي حد واهمها نفسك .
6- الحب هو انه يكون بيحبك عشان انتِ هتبقي مراته وام عياله مش بيتسلي بيكِ .
7- الحب هو انه عمره ما ينيمك زعلانه حتي لو انتي الي غلطانه .
8- الحب هو انك متهونيش عليه ابداً .
9- الحب هو ان فترة الزعل بينكم ميطولهاش عشان بمنتهي البساطة ميقدرش يعيش منغيرك .
10- الحب انك تحسي معاه انك مش ناقصك اي حاجه وانكوا مكملين بعض.
11- الحب انه يبقي عارف انتي عايزه ايه قبل ما تقولي وتطلبي .
12- الحب هو انه يحتويكي تعرفي تتكلمي معاه وتشتكي وتعيطي .
13- الحب هو انك عمرك ما تخافي منه ابدا .
14- الحب هو انه يكون لك كل حاجه وتقدري تستغني بيه عن كل الناس .
15- الحب هو انه يكون ليكِ الأخ والأب والصاحب والسند في الدنيا والأخرة والحضن الي ينسيكي اسمك .
16- الحب هو انك تحسي معاه انك موجوده ويكون مصر دايما انك تحسي بنفسك وكيانك جنبه .
17- الحب هو انه يكون عنده اصرار انك تكبري وتحققي نفسك معاه .
18- الحب هو انك تبقي عارفة انه بيحبك وفي كثير اجمل وأذكي منك بس بيحبك عشان انتي توأم روحه
وافكاركم واحده.
19- الحب هو انه يكون معوضك عن كل حاجه وينسيكي كل حاجه وحشه شوفتيها وحصلت لك .
20- الحب انه يكون دايما شايفك حلوة في عينه ولو عملتي حاجه غلط يبقي زعلانه لانك اكبر من كدا عنده .
بقلم " هاجر عيسى "